E caratteristiche da tecnologia de seperaçion de membrañe: a seperaçion de membrañe a l’é un proçesso de separaçion assæ effiçente e respettoso de l’ambiente. O l'é un campo interdisciplinare d'erta tecnologia, ch'o mostra de propietæ fixiche, chimiche e biològiche despæge e o l'à ben ben di avvantaggi. E membrañe en di materiali con de capaçitæ de seperaçion selettiva. O proçesso de separaçion, purificaçion e conçentraçion de diverse componente de unna soluçion d’alimentaçion pe mezo de capaçitæ de separaçion selettiva de membrañe o piggia o nomme de seperaçion de membrañe. A differisce da-a filtraçion tradiçionale perché e membrañe peuan fâ a seperaçion à livello molecolare e sto proçesso o l’é un proçesso fixico ch’o no domanda di cangi de fase ò l’azzonta d’additivi.
A dimenscion di pöli de membrañe a l’é pe-o sòlito inte l’intervallo di micrometri. In sciâ base da seu dimenscion di pöli (ò limite de peiso molecolare), e membrañe peuan vegnî clascificæ inte de membrañe de microfiltraçion, de ultrafiltraçion, de nanofiltraçion e de osmoxi inversa. In sciâ base do materiale, peuan vegnî clascificæ inte membrañe inorganiche e membrañe organiche. E membrañe inorganiche en pe-o ciù de porçellañe e de metallo, ch’an unna preçixon de filtraçion ciù bassa e unna selettivitæ ciù bassa. E membrañe organiche en fæte de materiali polimerichi, comme l’açetato de çellolosa, e poliamide aromatiche, o polietersulfono e i polifluoropolimeri, etc.
