Un conçentratô d’oscigeno a l’é unna machina ch’a produxe de l’oscigeno. O seu prinçipio o se basa in sciâ tecnologia de seperaçion de l'äia. Pe primma cösa, l’äia a ven compressa à unn’erta denscitæ. Dapeu, sfruttando i diversci ponti de condensaçion di componenti de l’äia, a seperaçion de gas-liquidi a l’avvëgne à unna temperatua speçifica. Pe finî, a distillaçion a separa l’äia inte oscigeno e nitrògeno. Dæto ch’o ven deuviou pe-o ciù pe-a produçion d’oscigeno, pe commun o piggia o nomme de conçentratô d’oscigeno. Apreuvo a-a larga gamma d’utilizzaçion pe oscigeno e nitrògeno, i conçentratoî d’oscigeno vëgnan deuviæ pe coscì inte l’economia naçionale, mascime inte di settoî comme a metallurgia, l’inzegneria chimica, o petròlio e a defeisa.
Un atro tipo de conçentratô d’oscigeno o deuvia e propietæ d’assorbimento di setaçi molecolari. Pe mezo de prinçippi fixichi e alimentæ da un compressô sensa euio à erta desplaçamento, l’azöto e l’oscigeno inte l’äia vëgnan separæ pe ottegnî unn’erta conçentraçion d’oscigeno. Sto tipo de conçentratô d'oscigeno o produxe de l'oscigeno a-a spedia e à unn'erta conçentraçion, ch'o ô rende adatto pe-a terapia d'oscigeno e o mantegnimento da sanitæ pe diversci gruppi. O l'à un basso consummo de potensa, ch'o costa sôo che 18 çento pe oe, ch'o ô rende econòmico da deuviâ.